Xukuumadda dalkaasi Itoobiya ayaa gaashaanka u daruurtay wararka ku aadan in Ciidamadeeda ku sugan gudaha magalaada Muqdisho ay masuul ka ahaayeen weerarkii duqeyntii ahaa ee lagu qaaday Suuqa weyn ee Bakaaraha halkaasi oo ay ku dhinteen in ka badan 14 qof oo rayid ah.
La taliyaha R/Wasaaraha dalkaasi Barakaat Simon ayaa sheegay in dawladda Itoobiya aysan masuul ka aheyn falka noocaasi oo kale ah isla markaana aysan jirin wax tallaabo ah oo ka dhan ah rayidka oo ay qaadeen.
Simon waxa uu si kulul u diiday in warbaahinta qaarkood ay Itoobiyaanka u saariyeen weerarkaasi waxaana uu sheegay in Kooxaha Hubeysan ee kasoo horjeeda ay dhankooda adeegsadaan hoobiyeyasha noocaasi oo kale ah.
Hadalkaasi ayaa kasoo yeeray Barakaat Simon Xilli dhamaan Umadda Somaliyeed ay hubaan in weerarkaasi ay masuul ka ahayeen Itoobiyaanka isla markaana aysan Kooxaha hubeysan wax dan ah ka laheyn in ay garaacaana Suuqa weyn ee Bakaaraha.
