Meydadka ilaa 5 qof oo rayid ah oo qaarkood la gowracay ayaa saaka lagu arkay deegaanka Suuqa Xoolaha,halkaasi oo shalay oo dagaalo iyo isku dhacyo ay ku dhexmareen Ciidamada Itoobiyaanka iyo kooxo kasoo horjeeda.
Sida ay sheegeen qaar kamid ah dadka deegaanka meydadka dadkaasi oo 3 kamid ah la gartay ayaa la xaqiijiyay in ay dileen Ciidamada Itoobiyaanka iyagoona ugu galay goobahooda ganacsiga markii qalalaasaha halkaasi uu ka dhacay.
Meydadka qaarkood ayaa madaxa ka go'naa waxaana la garan waayay illaa 2 qof oo saaka meydadkooda la geeyay Masaajid ku yaalla Suuqa Xoolaha,halkaasi loogu jiro qaban qaabo lagu aasayo.
Ciidamada Itoobiyaanka ayaa dadkaasi shalay toogasho ku dilay kuwa kalena gowracay kadib markii shalay ay dagaalo ku qabsadeen deegaankaasi iyadoona ay kooxo hubeysan weeraro bambaano ku beegsadeen.
Ciidamada Itoobiyaanka ayaa inta badan khasaaraha kasoo gaara kooxaha hubeysan waxaa ay ka aarsadaan shacabka aan waxba galabsan iyagoona aan u kala soocen kuwa hubeysan iyo shacabka aan hubka sidan.
