Ra'iisul Wasaaraha Soomaaliya Cali Maxamed Geeddi ayaa si deg deg ah u amray in Xabsiga laga sii daayo Gudoomiyaha Maxkamada Sare ee Dowladda Soomaaliya Mudane Yuusuf Cali Haaruun.
Kulan maanta Golaha Wasiirada ku yeesheen Magaalada Muqdisho uuna shir gudoominayay Ra'iisul Wasaare Geeddi ayaa lagu go'aamiyay in la soo daayo Gudoomiyaha Maxkamada Sare, isla markaana shaqada laga joojiyo Xeer Ilaaliyaha Guud ee qaranka.
Warar la helayo ayaa iyana sheegaya in Xariga Gudoomiyaha uu amray madaxweynaha, taasoo maalintii shalay ay hoygiisa ka soo kaxeysteen Ciidamada Madaxtooyada oo Madaxweynaha beeshiisa ah.
Waxaa muuqata in wali Madaxweynaha iyo Ra'iisul Wasaaraha uu u dhaxeeyo loolan dhinaca Awooda ah, waxaana tani ay sii kordhineysaa khilaafka xoogan ee u dhaxeeya Labadan Mas'uul oo maalimihii u dambeeyay ahaa mid aan wanaagsaneyn.
Xariga Gudoomiyaha Maxkamada Sare Yuusuf Cali Haaruun oo dadka intiisa badan soo xasuusisay xiligii dowladii Maxamed Siyaad Bare ee dadka leysaga xiri jiray iyagoon aan danbi soo galin.
(Posted by yaxyax, September 23, 2007, 10:17 AM)