Maraakiib Kaluumeysi oo ay leeyihiin shirkado fadhigoodu yahay dalka Thailand ayaa lagu soo waramayaa in ay kooxo maleeshiyo beeleed ah ku qafaasheen xeebaha Puntland ee gobolka Bari. Ilaa 3 markab ayaa waxaa lagu qabsaday Degmada Baar-madoobe oo u dhaxeysa Fooxaar iyo Beyla ee xeebaha Puntland, iyadoo maraakiibtaasi ay qabsadeen maleeshiyo beeleedyo.
Ma jiro wax war ah oo ka soo baxay maamulka Puntland, laakiin shirkadda Alxabiib ee ilaalisa xeebaha Puntland ayaa warbaahinta u sheegtay in maraakiibtaasi ay ku soo wajahan yihiin dhanka degmada Qandala.
Maraakiibtaan ayaa waxaa lagu eedeeyay in ay si sharci darro ah uga jilaabanayeen xeebaha Puntland, mana ahan markii ugu horreysay oo xeebaha Puntland lagu qabto maraakiib
