Hal qof ayaa geeriyooday in kabadan 6-qofna wey dhaawacmeen kadib markii gaari ay la socdeen dadkaas uu ku qalibmay deegaanka Aadan Yabaal oo ka tirsan gobolka Sh/dhexe.
Gaariga qalibmay oo ahaa gaari rakaab ah ayaa la sheegay in rogmashadiisa ay timid markii darawalkii gaariga uu xukumi waayey isteerinka gaariga, taana ay keentay in gaarigu uu qalibmo
Xaaladda caafimaad ee labo kamid ah dadka ku dhaawacmay shilkaasi baabuur ayaa laga deyrinayaa kuwaas oo dhaawacooda loo soo qaaday isbitaalada magaalada Muqdisho.
Shilalka inta badan ka dhaca qeybo ka mid ah gobolada dalka ayaa waxaa sababa darawalada gaadiidka oo si xowli ah u wada iyo waddooyinka ay isticmaamalayaan gaadiidkaas oo si weyn u burbursan.
Bilaajo.com
Xafiiska wararka Muqdisho.
