War shalay kasoo baxay Xafiiska Golaha Amaanka iyo Midnimada ee Midowga Afrika ayaa lagu sheegay in xaaladda amaan darri ee ka taagan Somaliya ay ka dhigantahay caqabadaha ugu weyn ee ka jira qaaradda Afrika.
Qoraalkaasi ay kasoo saareen Golaha PSC xaruntoda magaalada Adis Ababa ayay ku adkeeyeen in xaaladda Somaliya ay kasii dartay bilihi ugu danbeeyay markii dagaalo qaraar ay ka dhaceen magaalada Muqdisho kuwaasi oo kumanaan qof ay ku barakaceen.
Goluhu waxaa uu ku canbaareeyay Beesha Caalamka in ay xad u sameyn waayeen dhibaatooyinka jira Somaliya halka ay Xukuumadda Federaalka iyana dhankeeda ku dadaalin sidii Mucaaradka ay ula xaajoon laheyd.
Ururka Midowga Afrika qudhiisa ayaa ku fashilmay howsha nabad sugida Somaliya markii Ciidankii ay u ballan qaadeen Somaliya oo gaarayay 8 kun kaliya laga helay 1,700 oo ka socota dalka Uganda.
Waxaa lagu wadaa bartamaha bisha inasoo aadan in Golaha PSC uu kulan muhim ah yeesho kahor inta aysan dhamaan xilliga loogu talo galay joogitaanka Ciidamada Midowga Afrika ee Somaliya.
(Posted by Dhoodi, December 22, 2007, 6:41 PM)