Wararka inaga soo gaaraya degmada Buuloburde oo katirsan Gobolka Hiiraan ayaa wax ay sheegayaan in halkaasi ay la wareegeen Dagaal yahaanno la rumeysan yahay in ay katirsan yihiin Golihii Maxaakimta Islaamiga Soomaaliyeed.
Dagaalyahannada ayaa kadib markii ay la wareegeen Buuloburde waxa ay Ciidamada Maamulka Degmadaasi goobta isaga cararay sida ay inoo xaqiijiyeen dadka deegaankaasi, Dagaalyahannada ayaa lagu soo waramayaa in ay hareereeyeen goobihii ay kusugnaayeen Maamulka Degmadaasi.
waxaa jira in durba ay bilaabeen in ay muxaadarooyin kasoo jeediyaan goob fagaare ah iyaga oo u sheegayay dadka degmadaasi in aysan wax wal wal ah qaadin oo ay isdejiyaan isla markaana ay iyagu yihiin oo keliya dad walaalahooda ah.
waxaa jira warar sheegaya in qaar kamid ah mas'uuliyiintii degmadaasi ay halkaa isaga carareen inkastoo illaa iyo iminka aanan weli la xaqiijin cid ay xir xireen oo katirsan mas'uuliyiinta degmada Buuloburde, waxaana ay sii daayeen sida wararka aanu ku heleyno guud ahaan maxaabiistii ku xirneyd xabsiga kuyaalla buuloburde.
illaa iyo iminka mjirto cid katirsan mas'uuliyiinta dowladda oo arrintani ka hadashay, waxaana lagu soo waramayaa in ay bilaabeen sugidda ammaanka goobihii ay gacanta kudhigeen.
(Posted by xabiba, December 11, 2007, 8:13 PM)