Madaxweynaha Soomaaliya Cabdulaahi Yuusuf Axmed oo ku sugan Isbitaal ku-yaal Magaalada Neyroobi ayaa ka warbixiyay xaaladiisa caafimaad,kadib marki ay soo baxeen wararka sheegaya inuu geeriyooday ama uu galay suuxdin-dheer (Kooma).
- Dhageyso Wareysi idaacadda VOA la yeelatay 
"Xaaladeydu caafimaad aad bay u wanaagsan-tahay waxa Aduunka laga sheegayaa waan maqlayaa waa markii sadexaad oo aan dhageysto anigoo nool inaan dhintay marka khuraafaadka la sheegayo dhag ha u dhigina", ayuu yiri Madaxweynaha ooka jawaabay warar la isla-dhexmaray maalmahan oo sheegay inuu caafimaadkiisa aad u liito.
Madaxweynaha oo la weydiiyay inay jirto in Isbitaal loola cararay caafimaadka oo aad u xun darteed ayaa ku jawaabay:
"Sida loo sheegayo oo la yiri (Kooma) ayuu ku-jiraa iyo waa dhintay ma`aha ee hadii aad wax dareento waa inaad Dhaqtar tagtaa, waad ogtahay sanad-kasta inaan tago baaritaan caafimaad", ayuu ugu jawaabay madaxweynaha wariyihii wareysanayay.
Madaxweynaha ayaa qosol iyo dhool-cadeyn kaga jawaabay su,aal la weydiiyay oo ku saabsan codkiisa sida uu yahay wuxuuna ku jawaabay:
"Ehehehehe (Qosol) waan ku garanayaa hadalkeyga hadaad beensato Dad baad ma qashiineysaa hadalkeyga waan ku garanayaa (Weriye) ee hadalkeyga iyo arageyga waa isku-mid", ayuu yiri madaxweyne C/laahi Yuusuf.
Wareysiga oo dhameystiran oo uu Madaxweynuhu kaga hadlayo sababta keentay in qaar ka mid ah Xukuumada Reysalwasaare Nuur-Cade ay iscasilaan iyo warar kale oo xiiso leh ka dhageyso halkan:
