Gudoomiyaha degmada Afgooye Caaqil Max'ed Cumar Moodeey ayaa ka badbaady qarax miino oo saaka lagu beegsaday gaarigiisa iyadoona qaraxasi ay ku dhaawacmeen ku dhawaad 5 qof oo uu kamid ahaa Xogheyntii Gudoomiyaha.
Sida aanu kasoo xiganay Wariye Xasan Matoore gudoomiyaha degmada ayaysan waxku gaarin qaraxaasi oo ka dhacay Xaafadda Dhagax Tuur ee degmada Afgooye,xaaladuna ay tahay iminka mid iska degan.
Dhaawacyada qaraxa oo uu ku jiro Xogheyntii Gudoomiyaha Cusmaan Max'ed Abiikar ayaa loola cararay Cusbitaalka guud ee magaalada Afgooye halkaasi oo iminka lagula tacaalayo.
Ilaa iyo iminka lama oga kooxihii ka danbeeyay weerarkaasi iyadoona ay iminka isku geedaameen goobta qaraxu ka dhacay Ciidamo aad u fara badan oo kamid ah Maamulka degmadaasi si ay amaanka u sugaan.
