Xulka qaranka kubada cagta Soomaaliya oo dhawaanahanba ku sugnaa dalka jabuuti ayaa xalay ku hoyday magaalada Adis Ababa ee xarunta dalka Itoobiya, waxaana lagu wadaa in daqiiqadaha inasoo aadan ay ka dhoofaan halkaasi iyagoo gaari doona magaalada Daresalam ee dalka tanzania oo uu dhawaan ka bilaabmayo tartanka xulalka bariga iyo bartamaha Africa.
Xulka Soomaaliya ayaa waxaa la socda masuuliyiin ka tirsan xiriirka oo ay ka mid yihii guddoomiyaha Siciid, xoghayaha C/qani iyo xubin xiriirka ka tirsan oo lagu magacaabo Gaabshe.
Xulka Soomaaliya ayaa dheeli doona sadex cayaarood,waxaana sadexdaba ku aadan xulal aad u ad adag oo kala ah Tanzania, Kenya iyo Brundi,iyadoo dadka la socda xaaladaha xulka Soomaaliyana ay sheegayaan in laga cabsi qabo in guuldaradii ugu weyneyd ay kala kulmaan cayaaraha kusoo aadan, maadaama xulalka ay ku aadan yihiin ay yihin kuwo dhan kastaba ka dhisan heystana dhiirigelin ku filan, halka xulka Soomaaliya ay si weyn niyada uga dilan yihiin, waxaase la arki doonaa sida ay wax noqdaan.
