Guddoomiye ku xigeenka gobolka Sh/dhexe Xuseen Maxamed Maxamuud "Xuseen Dheere" iyo ku xigeenka arrimaha amniga Axmed Cumar Xabeeb "Jaandhaay" ayaa saakay waaberigii ka dhacay gudaha magaalada Jowhar ee gobolka Sh/Dhexe.
Iska horimaadkani oo sababay khasaare dhimasho iyo dhaawac soo gaaray ciidamadii dagaallamayey ayaa waxaa ku geeriyooday labo Askari oo ka tirsan kuwii dagaallamayey, sadax kalena waa ay ku dhaawacmeen kaddib markii dagaal muddo saacado ah socday uu dhexmaray labada dhinac.
Gulufkan colaadeed ayaa lagu soo warramayaa inuu yahay mid salka ku hayo arrimo ku saabsan dhac loo geystay lacag Shillin So. ah oo shalay laga soo aruuriyay bar kontorool oo ciidamadu gobolka ku leeyihiin duleedka magaalada Jowhar ee xarunta gobolkaasi.
Xuseen Dheere oo dagaalkaan ka warramay xili la maqlayey dhawaqa rasaas xooggan ayaa sheegay in ciidamo ka socda Axmed Jaandhaay ay saakay 5:20 subaxnimo weerar ku soo qaadeen hoygiisa isla markaana ciidamadiisa iska difaaceen, isagoo intaa raaciyay in uusan garaneyn sababta keentay in weerar gaadmo ah lagu soo qaado, walow ay inoo suurageli weyday inaan helno Axmed Jaandhaay.
Xiisadan ka soo cusboonaatay magaalada Jowhar ayaa sababay iney maanta halkaasi isaga baxaan dhammaan hay’adihii samafalka ee ka howlgali jiray gobolka Shabeellada Dhexe, kuwaasoo ka cabsi qaba in uu saameyn ku yeesho xurgufta u dhaxeeysa labada dhinac.
