Hal qof ayaa ku geeriyooday 3 kalena dhaawac ayaa ka soo gaaray Dagaal ciidamada dowladda KMG ah saakay ku dhexmaray deegaanka Siinka Dheer ee inta u dhaxeeya magaalooyinka Muqdisho iyo Afgooye.
Iska horimaadkan ayaa la sheegay iney ka dambeysay kaddib markii lacago canshuuro ah oo ciidamada dowladda ay isku qabteen, taasoo murn ka dhashay uu sababay is tacshiiradeynta ciidammadaasi, sida uu xaqiijiyey nin goob jooge ahaa oo gaadiid uu la socday halkaasi gaaray xilligii uu falku dhacayey.
Israsaaseynta oo socotey muddo daqiiqado ah ayaan la sheegay cid kale oo wax ka soo gaartay, marka laga reebo cidiammadii tacshiiradda isku adeegsaday.
Dadka dhaawaca ahaa ayaa la sheegay in loo soo qaaday cusbitallada ku yaalla magaalada Muqdisho si loogu daweeyo.
