Mid kamid ah Ciidamada dawladda aya ku dhaawacmay qarax xoogan oo wax yar kahor ka dhacay xaafadda Suuq Bacaad ee degmada Yaaqshid iyadoona qaraxasina la sheegay in uu ahaa mid bambaano.
Waxaa qaraxaasi uu ka dhacay meel ku dhaw Masaajidka Abuukar Cumar Cadan oo aan ka fogeyn Suuq Bacaad iyadoona la xaqiijiyay dhaawaca askariga iyo qof kale oo rayid ah.
Ciidamada dawlada aya markaasi kadib waxaa ay fureen rasaas xoogan oo ay ku beegsanayeen dadkii goobta ka ag dhawaa iyadoona aysan jirin cid halkaasi ku dhaawacantay.
Goobta qaraxaasi ka dhacay oo aanu garanay waxyar kahor ayaa goob jooge u hadlay Soomaalinews.com waxaa uu inoo sheegay in uu arkay dhawaca askariga ka tirsan Ciidamada dawladda iyo qof rayid ah.
Xaaladda degaanka ayaa iminka aad u kacsan iyadoona ay soo gaareen deegaanka Ciidamo Itoobiyaan ah oo aad u fara badan kuwaasi oo baadi goobaya wixii ka danbeeyay qaraxasi.
