Kaddib markii guddiga xagga qiimeynta ugu qaabilsan cayaartoyda kubbada cagta aduunku uu ku dhawaaqay in Kaká uu yahay wiilka sanadkan ugu horreya, ayaa cayaaryahankani waxaa uu bilaabay dabaal dag uu u sameynayo dhawaqa kasoo yeeray FIFA.
Sanadkii hore ayaa Ronaldinho, wxaa uu baaqi ku sii ahaa kaalintan oo uu helay sanadkii 2005-tii, hase ahatee iminka ayuu daaqadda kabaxay, waxaana lambarka 1-aad soo galay Kaka, sida ay ku dhawaaqday FIFA.
“Aad ayaan ugu faraxsanahay in aan qiimeyntan heerka sare ah ka helo FIFA” ayuu yiri xiddiga kooxda AC Milan oo u warramayay FIFPro website.
"In aan raaco wadadii uu marayay Saaxibkay Ronaldinho, islamarkaana aan noqdo cayaaryahanka ugu horreeya caalamka ee xagga kubbad acagta” aad ayaan ugu fraxsanahay”ayuu hadalkiisa sii daba dhigay cayaaryahan Kaka.
"Waa mid aad u yaab leh laguna farxo in aan kasoo dhex baxo in ka badan 50,000 oo cayartoy oo caalamka oo dhan ka dheela kaalinta 1-aadna aan u galo” ayuu si farxad leh u yiri Kaka.
"Abaalmarintan heerka caalami ah waxaan uga mahadcelinayaa FIFPro”ayuu hadalkiisa sii daba dhigay Kaka
