Goobaha ay ku dhacayaan madaafiicda ayaa waxaa ka mid ah xaafadda Gubta iyo Suuqa xoolaha oo ka mid ah xaafadaha gobolka Banadir.
Ku dhowaad 10 ruux oo rayid ah ayaa saakay ku geeriyootay madfac kaare ah oo ciidamada Ethiopia ay soo rideen oo ku soo dhacay agagaarka Cirtoogte ee suuqa Bakaaraha ee magaalada Muqdisho, iyadoo la maqlayo rasaas goos goos ah iyo madaafiicda ka dhacda taankiyada oo ciidamada Ethiopia ay ku garaacayaan xaafado ka mid ah Black Sea
Sida uu soomaalinews.com u xaqiijiyay Goobjooge la yiraahdo nuur ali,8 ruux oo ka mid ah dadkaasi oo iskumeel joogay ayaa geeriyooday halka labada kalena ay haleeshay rasaas i ay fureen ciidamada Ethiopia oo difaac kaga jira meel ku dhow isgoyska Black Sea.
8 daan ruux ee ku geeriyooday madafaca kaaraha ah ayaa waxa ay ahaayeen dad isku diyaarinayay in ay ka qaxaan xaafadahooda, waxana ay sugayeen gaari ay ku qaxaan sida ay ku warameen dadka deegaanka.
Halkaan ka dhageyso
